لكل من يهمه أمر قبيلته في شرورة

[بلسم الروح]

السلام عليكم ورحمة الله وبركاته

كيفكم يا أخوان

موضوع اليوم :- عن خبر سمعته يخص سكان شرورة أولاً ويهمني لاني منهم ..... أرجو من الأخوان التفاعل ....!
لي أسبوع من بعد ماسمعت الخبر وانا منعفس ماني عارف وش أسوي سمعت من أحد الشباب أنه تم منع أصحاب المشاهد من الدراسة ، ومن المستشفى .

أين المشايخ من هذا المنع ؟
نداء لجميع مشايخ شرورة أن عاد فيهم دم يتحركوووون ويتركووون التقاعس و الخوف ، شمال المملكة نفس وضع شرورة ومهم عايشين مثلنا عايشين أحسن مننا .

يا أخوان تعرفون أيش معنى منع من الدراسة .................!

تعرفون أيش معنى منع من العلاج في المستشفى .......!

و الي قاهرني صدق أنهم وقعوا على الخطاب الي يفيد بهذا المنع معدا أثنين من شيوخ شرورة الله يطول بعمارهم ....!

يا مشايخ يا مشايخ يا مشايخ عاد فيكم شي نخوهـ عاد فيكم شي حميه لعيالكم وربعكم وجماعتكم .....!


أرجو من الاخوان المشاركة بردودهم

طفشان من وضع ربعه

[نهدي 2007]

بيض الله وجهك وإنشاء الله الخير جاي

أما هذه المساله لا تعب نفسك والله إنا قد خظنا فيه بما فيه الكفاية نرجوا التطبيق عملي ....
وش نسوي نقوم على المشايخ بالصميل ....... إذا ماقم من نفسه وهو أدرى بمصلحت جماعته ولا خله يرقد عند العجيز .......

لاشي شمس كانها من امس

والكريم الله

[ابو ناصر]

والله بصراحه قرار غريب وبعدين تقول المشايخ وافقوا عليه هذا الاغرب

لا ما يمكن!!!! لازم الكل يتحرك هذا فيه ظلم بصراحه ومثل ما قلت الشمال حالهم احسن منا واحنا نفس الوضع

اذا ما تعالجوا اهل المشاهد ولا درسوا فهذا معناه نصف اهل شروره بيكونون عاطلين والله يستر من اللي بعده

[بن حبتور]

شمال المملكة نفس وضع شرورة ايوالله انك صادق ياعزيز نفس شمال اللمملكه نفس وضع شروره

وفي احد الايام قابلت عسكري في حرس الحدود في محافظة جده وتخبرنا عن اوضاع شروره عالتجنيس

وقلت له سيئ وقال اوضاعكم نفس الشمال وقال انا كلمت واحد في الشمال وقالي والوضع سيئ

ناس اقليه الي معاهم بطايق والباقييين بدون بطايق

[سلطان عامر بن كليب]

لا حول ولا وقوة إلا بالله

ياجماااااااااااااااااعه تحركواااااااااااااا حرااااااااااااام الظلم

واشلوووووون المشااااااااااااايخ وقعواا على مثل هالشيء


يالربع وش تشوفون في الموضوع .!؟!؟!؟؟

[رايد بن بدر]

إنا لله وإنا إليه راجعون:
http://www.nhd1.com/vb/showthread.php?t=4595

[عبدالرحمن بن بشر]

يمدحون منظمة حقوق الإنسان ..

[بلسم الروح]

حقوق الانسان وين يا أخي الشيوخ حقك رفعتهم تواقيع وتنزلهم تواقيع مافيه هم يحسون من انفسهم يا يتحركوون ولا يقلع المشيخه لغيرهـ .

شاكر من تفاعل معنا

اما الي ماتهمه مصلحة ربعه دخل وقرى الموضوع ولا سجل رايه (( مافيه خير ))

[عبدالرحمن بن بشر]

طيب وان ماحد تحرك .. نسكت ؟؟

الكل يعرف ان الاخوان مابيدهم شي ولا يقدرون يحركون شي

البار علينا نحن يالمستلمين ..

[بلسم الروح]

الي رفع الشيوخ ذولا أحنا يا المستلمين وما راح ينزلهم الا أحنا يا المستلمين .

[قلم رصاص]

ياجماعة اذا كان هذا صحيح فنحن في مصيبة

وين مشايخنا ووجهائنا عن اخواننا في شرورة


......... للاسف ما باليد حيله

حتى احنا مانقدر نسوي لهم شي

[[] كشكـوٍل []]

التسجيل بالمدارس مفتوح لأهلي شرورهـ وخاصلتـأُ أهل المعاملات

فيـه إشاعـه بالموضوع السنـه هذي .. بس الله يستـر من السنـه الجايـه ايش راح يصـير

السنـه هذي المستشفيات ... لو فيـه ركـود .. ممكن يتطبق السنـه الجايـه بالمدارس

والله يستر من السنـه الثالثـه بس ...

[KING]

بيض الله وجهك على الخبر ,,,,,

[النصل]

بيض الله وجهك على الخبر

بندق على اهلنا وربعنا هناك وبنبلغهم ......


..
.
.

[KING]

بيض الله وجهك

[KING]

وجزاك الله خير

[KING]

واكثر الله من امثالك




وواصل ابداعاتك

[KING]

مع تحياتي



klng


الاتحادي

[طهفة النهدي]

بسم الله الرحمن الرحيم
السلام عليكم ورحمة الله وبركاته
لايؤمن احدكم حتى يحب لأخيه مايحب لنفسه
لايؤمن احدكم حتى يحب لأخيه مايحب لنفسه
لايؤمن احدكم حتى يحب لأخيه مايحب لنفسه
لايؤمن احدكم حتى يحب لأخيه مايحب لنفسه
لايؤمن احدكم حتى يحب لأخيه مايحب لنفسه
لايؤمن احدكم حتى يحب لأخيه مايحب لنفسه
لايؤمن احدكم حتى يحب لأخيه مايحب لنفسه
هذا التنبيه بنص هذا الحديث موجه للذين استلموا بطاقات ولسان حالهم يقول ( قدنا مع امي ومن جاته بنيه تجيه)
وفق الله الجميع للخير دائماً
اخوكم:
طهفة النهدي

[صـقرٍ ـآلرٍبع الخالي]

ـآلـسسسسسسـلأم عليكم ورحمة الله وبركاته

[نهدي ولي الفخر]

صح لسانك ياعزيز نفس واهل شروره هم هلنا والله قويه يا اخوان يمنعونهم من الدراسه والمستشفى وبكره مدري وش بيقولون بيمنعونهم من اشياء غيرها دام الناس ساكته وين المشايخ ليش ما يتكلمون ولا مايحسون بشي...

[صوح]

سؤال الجميع نهد الشيخ جمعان بن عمر بن عجاج النهدي ماذا فعل من خير الي نهد وماذا فعل با الختام اقول الي الشيخ جمعان شوف الصيعر ماذا فعلو الربعهم